Բնութագիր:
Ինքնահարթեցվող հատակը (շաղախը) իրենից ներկայացնում է հարթ ծածկույթ, որը կիրառվում է շինության հորիզոնական բետոնային և ցեմենտավազային հիմնատակերի հարթեցման համար և որին հետևելու են վերջնական դեկորատիվ շերտի տեղադրման աշխատանքները (կերամիկական սալիկներ, լինոլեումի, լամինատ և հատակի ձևավորման այլ նյութեր): Այն մոնոլիտ է և թույլ է տալիս հեռացնել անգամ ամենափոքր անհարթությունները: Ի տարբերություն հիմքի նախնական կոպիտ շերտի, ինքնահարթեցվող հատակը բաղկացած է խառնուրդից, որն իդեալական հարթ հիմք է ձևավորում՝ հավասարաչափ տարածվելով մակերեսի վրա:
Բաղադրություն:
Խառնուրդը կազմված է սիլիկատային ավազի, պորտլանդ ցեմենտի, ինչպես նաև պոլիվինիլացետային սոսինձի և ցելյուլոզային հավելումների միացությունից:
Մակերեսի նախապատրաստում:
Հիմքը պետք է լինի ամուր, չոր, մաքուր, զերծ զանազան աղտերից և նյութերից, որոնք բացասական ազդեցություն կունենան հիմնատակի և հարթեցնող նյութի շերտի հարակցման վրա (յուղեր, քսայուղեր, սոսինձի, ներկերի և լաքերի մնացորդներ և այլն): Հիմնատակի թույլ մասերն անհրաժեշտ է մեխանիկական ճանապարհով հեռացնել, իսկ ընդհանուր մակերեսը մանրակրկիտ մաքրել և փոշեզրկել: Մակերեսի հնարավոր անցքերը, ճաքերը, անհարթությունները հարկավոր է առանձին հարթեցնել բարձր ամրության շաղախով, սպասել լիակատար չորացման, ապա մշակել հեղուկ կամ հատիկավոր նախաներկով (acrylat, beton contact): Նախաներկից հետո ապահովել տարածքի օդափոխությունը, աշխատանքները շարունակել առնվազն 12 ժամ անց:
Օգտագործում:
Մաքուր տարայի մեջ լցնել 5.5-6լ ջուր (+10˚C-ից +30˚C-ի ջերմաստիճանի և ոչ ավել, քան 65-70% օդի հարաբերական խոնավության պայմաններում) 25կգ չոր շախաղի համար հաշվարկով: Աստիճանաբար ավելացնել չոր շաղախը և գլխադիր գայլիկոնով խառնիչի օգնությամբ խառնել մինչև համասեռ զանգված ստանալը: Պատրաստի շաղախը կրկին խառնել 2-3 րոպե անց, որից հետո այն պատրաստ է օգտագործման համար * : Աշխատանքները սկսելուց առաջ համոզվեք մակերեսի լիովին չոր լինլու մեջ (սովորաբար պահանջվում է մոտ մեկ օր): Լուծույթն հարկավոր է սկսել լցնել սենյակի խորքային հատվածից, աստիճանաբար, մածկաթիակի և հատուկ ասեղնավոր գլանակի օգնությամբ հավասարաչափ տարածելով այն, մոտենալ դեպի ելքը: Ասեղնավոր գլանակն օգնում է դուրս բերել օդի մնացորդները լուծույթի միջից: Տարածելուց հետո խառնուրդն արագորեն սկսում է կարծրանալ, ուստի մոնոլիտ շերտ ստանալու համար անհրաժեշտ է գործել առանց հապաղելու և ընդմիջումների (թաց շաղախի հետ աշխատանքը մինչև 15 րոպե): Շերտի հաստությունը՝ 3մմ-ից ոչ պակաս: Աշխատանքների իրականացման ժամանակ և հետագա երկու օրերի ընթացքում օդի և հիմքի ջերմաստիճանը պետք է լինի +5-ից +30˚C-ի միջակայքում: ՈՒՇԱԴՐՈՒԹՅՈՒՆ. Լուծույթի արագ չորացումը արհեստական միջամտությամբ անթույլատրելի է: Աշխատանքներն ավարտելուց հետո գործիքները լվանալ ջրով: Օգտագործված պարկերը և շաղախի մնացորդներն աղբահանել սահմանված կարգով:
Շերտի մինիմալ հաստությունը:
Սկսած 3մմ-ից*:
Խառնուրդի կենսունակությունը:
15 րոպե:
Ջրի ծախսը:
5.5 - 6լ. 25կգ-ի համար (մոտ 230մլ՝ 1կգ չոր շաղախի համար)*:
Ծախսը:
4.8կգ /1մ²-ի հաշվարկով ( շերտի 3մմ հաստության դեպքում )*:
Վերջնական ամրացումը:
72 ժամ հետո:
